Barrenetxe, Markinan kokatzen da, Bizkaian, eta baratzeko produktu desberdinak ekoizten ditu, lurrean zein hidroponikoan. Gainera, produktuen komertzializazioa ere kudeatzen du: letxugak, tomateak, piperrak, azelgak eta bertako barietatea errespetatzen duten beste produktu batzuk.
Horrez gain, nekazal arloko praktika onaren Globalgap ziurtagiria du, eta honek bermatzen du elikagaiek ezarritako kalitate eta segurtasun mailak betetzen dituztela, eta jasangarritasun irizpideak jarraituta elaboratu direla. Bestalde, produkzio integratua bermatzen duen “PI” ziurtagiria du, eta honela barazkiak lortzeko baliabideak eta produkzio naturalak ahalik eta hobetuen aprobetxatzen direla ziurtatzen da, eta epe luzera nekazaritza iraunkorra sustatzen dela.